Ovdasiidu » Ođđasat » Ovttaveardásašvuođa- ja dásseárvolávdegoddi: nissonpáraid ii oaččo olgguštit dearvvašvuođafuolahusa sahkanahttindivššus

Ovttaveardásašvuođa- ja dásseárvolávdegoddi: nissonpáraid ii oaččo olgguštit dearvvašvuođafuolahusa sahkanahttindivššus

Julkaistu 5.1.2017  Päivitetty 11.1.2017

Ovttaveardásašvuođaáittardeaddji bivddii ovttaveardásašvuođa- ja dásseárvolávdegotti dutkat, leigo dearvvašvuođafuolahusa áššehas olgguštuvvon, go sus lei gildojuvvon vejolašvuohta sahkanahttindikšui almmolaš dearvvašvuođafuolahusas. Áittardeaddji maiddái bivddii lávdegotti dutkat ledjego universiteahttabuohcceviesuid jođiheaddjialladoaktárat dahkan iežaset sivalažžan ovttaveardásašvuođalágas gildojuvvon olggušteaddji meannudeapmái. Sii ledje addán buohccedikšunbiirii mearrádusa, man vuođul dihto pasieantajoavkkut, dego iehčanas nissonat dahje nissonpárat, guđđojuvvojedje oalát eret almmolaš dearvvašvuođafuolahusa sahkanahttindivššus. Lassin áittardeaddji bivddii lávdegotti heaitit vástideaddjiid joatkimis dahje ođasmahttimis meannudeami, mii olggušta ja ásahii áittasáhku gildosa gievrudeapmin.

Jođiheaddjialladoaktáriid oktasaš linnjágeassima mihttomearrin lei resurssaid reahkkáma fuolaheapmi. Ovttaveardásašvuođa- ja dásseárvolávdegotti mielas dearvvašvuođafuolahusa resurssaid dorvvasteapmi lea daninassii dohkkehahtti mihttomearri ovttaveardásašvuođas oaivvilduvvon vugiin. Dohkkehahtti mihttomearri ii goittotge vel okto atte rievtti sirremii, muhto lávdegoddi galggai árvvoštallat ledjege mihttomeari fáhtema dihtii dahkkon vuogit vealtameahttumat ovttaveardásašvuođalágas oaivvilduvvon vugiin.

Áššis ii lean čielggaduvvon, ahte iigo almmolaš dearvvašvuođafuolahusa resurssaid reahkkáma dáhkideapmin livčče lean vuogit válljenláhkái, mat eai livčče oaivvildan mange joavkku olggušteami. Ovttaveardásašvuođaáittardeaddji lei ovdamearkan evttohan buohkaid sahkanahttindivššu dárbbašeaddjiid stivrema dikšunvuordinráidui. Resurssaid reahkkáma dorvvasteapmin ii danin livččii lean vealtameahttun bidjat buot nissonpáraid seksuála doaladumi dihtii oalát sahkanahttindivššuid olggobeallái. Dan dihtii ovttaveardásaš- ja dásseárvolávdegoddi oinnii, ahte vástideaddjiid dán áššis geavahan vuohki daninassii dohkkehahtti mihttomeari fáhtemii ii lean ovttaveardásašvuođalágas oaivvilduvvon vugiin rivttes lágan. Eandalii moaitima vuollásaš lei lávdegotti mielde dat, ahte dearvvašvuođafuolahusa áššehassii ledje biehttalan addit sahkanahttindivššu, vaikke son lei skáhppon divššus dárbbašlaš sohkasealaid iežas goasttádusain.

Ovttaveardásašvuođa- ja dásseárvolávdegoddi gávnnahii, ahte jođiheaddjialladoaktáriid galget doaimmaidisguin čuovvut ovttaveardásašvuođalága dego lága galgá dulkot vuođđolágas dorvvastuvvon vuođđovuoigatvuođaid ja Suoma riikkaidgaskasaš olmmošvuoigatvuođaid vuhtii váldimiin. Sahkanahttindivššu biirii gullevaš joavkkuid ráddjemis ii sáhte meannudit ovttaveardásašvuođalágas oaivvilduvvon olgguštemiin.

Ovttaveardásašvuođa- ja dásseárvolávdegoddi geahčai jođiheaddjialladoaktáriid addán buohccedikšunbiriideaset olggušteaddji mearrádusa ja gilddii sin joatkimis olggušteami. Lávdegoddi maiddái oinnii, ahte áššehas lei olgguštuvvon su seksuála doaladumis dihtii, go sutnje ledje biehttalan addit almmolaš dearvvašvuođafuolahusa sahkanahttindivššuid. Lassin lávdegotti mielas jođiheaddjialladoaktárat ledje biehttalan ovddideamis ovttaveardásašvuođa ovttaveardásašvuođalága 5 §:a 1 momeantta mielde.

Ovttaveardásašvuođa- ja dásseárvolávdegoddi ásahii gieldinmearrádusas ja mearrádusas beavttálmahttimii guđege áššis vástideaddjin lean buohccedikšunbire jođiheaddjialladoaktárii 30 000 euro sturrosaš áittasáhku.

Dáhpáhusčilgehus lea oppalaččat almmustahttojuvvon ovttaveardásašvuođa- ja dásseárvolávdegotti internet-siidduin:
http://yvtltk.fi/fi/index/materiaalit/tapausselosteet_3/tapausselosteet2016_1.html

Lassidieđut: Ovttaveardásašvuođa- ja dásseárvolávdegotti váldočálli Juhani Kortteinen
t. 0295 150151, šleađgapoasta: juhani.kortteinen@oikeus.fi

Liitetiedostot